“Operadór telekomunikasaun Telemor no Telekomcel, ne'ebé konsellu administrasaun deside haruka selu multa US$223,200 ba kofre estadu liuhusi ANC tanba sira komete infrasaun”, dehan João iha Kaikoli, kuarta (16/06).
Infarasuan ne’ebé telekomunikasaun sira komete iha ninia prosesu atendementu operadór ba konsumidór la ho di'ak no ikus mai hetan reklamasaun barak, tanba ne'e ANC deside loke prosesu hasoru operadór.
“Ita ko'alia hanesan rejistrasaun sim card, tanba ami fó ona husi loron 28 fulan-maiu, durante loron 45 ba operadór atu asegura kartaun ne'ebé fa’an iha dalan ninin tenke rejistradu, maibé ho determinasaun ne'e ami identifika faktu iha terrenu katak iha kartaun ho númeru la rejistu maibé bele utiliza nafatin, tanba ne'e ami loke prosesu administrativu hasoru operadór”, dehan nia.
Multa iha prosesu administrasaun hasoru operadór rua ne'e, tanba utiliza rekursu telekomunikasaun, liliu espetru frekuénsia sem lisensa, tanba ne'e ANC loke prosesu hasoru sira no tenke selu multa.
Entretantu operadór telekomunikasaun Telemor selu ona ninia multa hamutuk US$74,400, sei falta US$140,000, maibé Telkomcel seidauk selu.
Prosesu Administrativa ne'ebé ANC loke bainhira konprovadu katak operadór ida halo infrasaun hasoru artigu sira ne'ebé hatur ona iha dekretu lei númeru 15/2012,28 Marsu kona-ba kompeténsia autoridade. (*)