Ministru Asuntu Parlamentar no Komunikasaun Sosiál (MAPKomS), Francisco Martins Jerónimo.
Foto Suplay
Tempotimor (Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo deklara sidadaun ne’ebé servisu iha liña frente ba Covid-19 iha direitu atu hetan subsídiu hahú husi fulan-marsu to’o dezembru tinan 2021.
“Kona-ba liña frente, sira iha direitu atu simu sira-nia osan ne'e, hahú husi fulan-marsu ba to’o dezembru bainhira situasaun ne'e la'o nafatin hanesan ne'e”, afirma Ministru Francisco iha palásiu governu, kuarta (16/06).
Dadaun ne'e seidauk bele halo pagamentu tanba sei hein promulgasaun husi Prezidente Repúbika ba dekretu lei ne'ebé halo tiha ona.
“Agora, bainhira mak atu selu, dekretu lei halo tiha ona no ita sei hein promulga husi Prezidente para ita bele halo pagamentu”, infoma nia. (*)
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.com
