Reuniaun KM ne’ebé hala’o iha loron 16 fulan-juñu tinan 2021, deside hakotuk konfinamenntu iha Munisípiu Dili hodi fó oportunidade ba sidadaun sira atubele livre halo movimentu hanesan mós kondutór transporte públiku.
“Sidadaun sira hotu iha Munisípiu Díli bele movimentu livremente, hahú atividade sira hotu, atividade ekonómiku, atividade sira hotu bele normaliza hikas filafali hanesan mikrolete sira atividade ne'ebé sujeita ba konfinamentu obrigatóriu domisialiáriu ne'e para, entaun agora livremente”, deklara Ministru Prezidensia Konsellu Ministru, Fidélis Leite Magalhães iha Ministériu Finansas Aitarak laran, kuarta (16/06).
Maske hakotu konfinamentu refere, maibé kontinua nafatin halo tuir prokolu husi Organizasaun Saúde Mundiál (OMS) hodi tau máskara, fase liman, tenke halo distansiamentu labele akumula ema barak.
“Fatin sira iha atividade ekonómiku nian obrigadu tenke tau fatin fase liman nian no uza máskara entaun sira ne'e mak ita sei kontinua implementa ba oin”, informa nia.
Baonhira sidadaun sira hanoin atu avansa halo flexibiliza liután regra ne'ebé mak limita liberdade dalan atu hakotu mak ba fatin vasinasaun sira.
Tanba, dalaruma númeru persentajen vasina sa'e, sei halo normalizasaun ba atividade moris lorloron nian. (*)