Tempotimor (Díli)-Reprezentante Nasionál hosi World Food Program (WFP), Dageng Liu hatete, iha loron Mundiál Internasionál ba ai-hán sira sei kontinua halo kampaña hahán nutrisaun hodi fó hanoin nafatin ba komunidade sira, tanba Munisípiu balun iha Timor-Leste kontinua lulik ba hahán nutrisaun.

“Temi manutrisaun dehan hahán laiha ne'e sala la konsege hetan hahán ruma ne'e la’e, maibé dalaruma ita-nia hanoin kona-ba hahán ne'e rasik ita tenke ser muda ita-nia atitude, ezemplu ita-nia Munisípiu balun dehan lulik labele hán ida ne'e ida ne'ebá maibé hahán ne'e nutritivu mai ita”, dehan Dugen hafoin enkontru ho Primeiru Ministru iha rezidénsia Farol, tersa (15/06).

Tanba ne’e, sidadaun sira iha Munisípiu ne'ebé durante konsidera hahán nutritivu sai lulik ne'e sai impaktu ba komunidade atu konsumu hahán dia’k.

“Kona-ba kampaña hahán nutrisaun ne'e mídia nia papel mós importante loos atu muda ema nia hanoin kona-ba manutriasaun ne'e tanba aspeitu ida barak ne'e mak ita-nia hanoin la muda”, afirma nia.

Maibé WFP fo apoiu programa governu liliu sesta bázika tanba hasa'e produsaun lokál no halo estímulo ba agrikultór sira.

“Ami-nia hanoin programa ne'e di'ak para ita iha estabilidade ai-hán iha rai laran nian e durante pandemia ida ne'e, ho sesta bázika programa ida di'ak tebes atu estímula ita-nia agrikultór sira atu kuda barak liután”, hatete nia. (*)