Login to your account

Username *
Password *
Remember Me

CNRT Ejize MP Notifika Deputada Angelina ba Denunsia Krime

Deputada, Maria Angelina Sarmento. Deputada, Maria Angelina Sarmento. Foto Suplay

Tempotimor (Dili)-Deputada Bankada Bankada Congresso Nacional de Reconstrução de Timor (CNRT), Carmelita Caetano Monis husu ba Ministériu Públiku (MP) atu notifika ona Deputada, Maria Angelina Sarmento nu’udar Vise Prezidente Parlamentu Nacionál (PN), bazeia ba keixa  denunsia krime ne’ebé hato'o husi CNRT.

Pozisaun CNRT hato'o ona keixa ho tipu denunisa krime ba iha Ministeriu Publiku kontra  Vise Prezidente PN, Maria Angelina Sarmento tanba halo uzurpasaun ka hadau kargu Prezidente PN husi deputadu, Arão Noe Amaral liuhusi prosesu eleisaun iha loron 18 no 19 fulan-maiu tinan 2020.

“Iha momentu ne'eba ami deputadu CNRT mós hatama keixa ida kontra deputada Maria Angelina Sarmento, hatama denunsia de krime iha 19 de maiu ne'e kedan, kuandu depois sira halo uzurpasaun de poder, hadau poder iha plenária”, dehan nia iha PN, tersa (15/06).

Nune’e, CNRT duvida ho Ministériu Públiku nia prosesu ba keixa ne’ebé CNRT hato'o iha loron 19 fulan-maiu tinan 2020.

“Denunsia ida ne’ebé deputadu CNRT sira hatama, ha’u lahatene agora deputadu sira bankada Governu ne'e hetan ona notifikasaun ka lae?. Tanba se ita haree katak, ita-nia orgaun sudijiál sira hala'o buat hothotu tuir lolos lei, tuir lolos ida ne’ebé mak tama uluk no tama ikus entaun prosesu ne’ebé mak tama uluk nia mak tenke prosesu uluk”, hatete nia.

Tanba deputadu CNRT mak hatama denunsia dahuluk, kontra atetude uzurpasaun poder ne’ebé komete husi vise Prezidente PN, Maria Angelina Sarmento tanba viola konstituisaun repúblika artigu 99, númeru 3, rejimentu PN artigu 17, númeru 1 alinea B, nomós kódiku penal, artigu 190, 195, 203, 204. (*)

 

Rate this item
(0 votes)
Last modified on Tuesday, 15 June 2021 17:15
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter