Ministru Jerónimo hato'o lia hirak ne'e hodi responde ba ejizènsia subsídiu ba jornalista ne'ebe levanta husi Deputada Bankada Congresso Nacionál de Reconstrução de Timór (CNRT), Maria Fernanda Lay iha debate Estratéjia kona-ba medida prevensaun Covid-19 iha plenária Parlamentu Nasionál, segunda (14/06).

"Ha’u atu fó resposta lalais de'it front line ba jornalista sira, ha’u hanoin lei iha, agora ami halo hela ajustamentu, nia kuantila ne'e mak presiza atu hadi'a filafali atu nune'e kobre jornalista hototu”,  esplika Ministru Francisco Martins iha Plenária PN, segunda (14/06). 

Deputada Maria Fernanda Lay ejize mós ba MAPKomS, Francisco Jerónimo atu esplika subsídiu kona-ba jornalista sira iha liña frente. Tanba iha tinan 2020 governu kria ona dekretu lei hodi fó subsídiu ba jornalista sira.

Maibé, iha semana kotuk, Ministru Prezidensia no Konsellu Ministru (MPKM), Fidélis Leite Magalhães hato'o deklarasaun l katak subsídiu ba jornalista sira presiza tan lejislasaun espesial nune'e sai baze hodi fó subsídiu. 

"Ha’u atu husu ba jornalista sira iha dekretu lei 2020, selu tiha ona ba jornalista sira, maibé agora presiza lejislativa ga lejislasaun foun, ne’ebé esplika tok, presiza muda lei para hodi selu, (I do not), esplika tok ida ne'e”, hatete nia. (*)