Print this page

Ró Tranship II Sei Kontinua Tula Pasajeiru Ba Ataúro no Oe-kussi

Ministru Transporte Komunikasaun (MTK), José Agostinho da Silva. Ministru Transporte Komunikasaun (MTK), José Agostinho da Silva. Foto Tempo Timor

Tempotimor (Díli)-Ministru Transporte Komunikasaun (MTK), José Agostinho da Silva hatete, ró Tranship II Gresik sei kontinua atende públiku hodi tuka pasajeiru sira husi Díli ba Ataúro no Oe-kussi.

Maibé erru ne'ebé mosu iha Ministériu nia leet sei kolabora hamutuk hodi haree ni hadi’a, maibé atendimentu públiku kontinua la'o nafatin.

“Ha'u hanoin governu iha komitmentu tomak, kontratu selebra ona, ne'ebé atendimentu públiku tenke la'o iha parte sorin karik  buat ruma lalos sira mós hala'o sira-nia kna’ar ita prontu atu kolabora mais atendimentu públiku labele impede”, dehan Ministru José iha Palásiu Governu, segunda (14/06).

Tanba Governu aluga tó hodi atende nesesidade komunidade nia no konetividade Marrítima aseguradu nafatin.

“Ha'u-nia preokupasaun mak ne'e konetividade Marrítima tenke aseguradu atu transporta nesesidade báziku, kombustíveis matérial konstrusaun ba Komunidade Ataúro no Oe-kussi ne'e tenke aseguradu nafatin”, deklara nia.

Tanba laiha dalan seluk atu hala'o konetividade Marrítima ho Ró Nakroma no Ró Succes ne’ebé avaria hela no sei hadi'a iha Indonézia mak alternativa kontinua Ró Tranship II Gresik.

Governu Timor-Leste aluga Ró Tranship II tuir kontratu kada fulan selu rihun-US$220 inklui kombustavel ba ró kada viajen rihun-US$31. (*)

 

 

Rate this item
(2 votes)
Last modified on Tuesday, 15 June 2021 14:55
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items