Print this page

Ró Tranship II Fó ‘Perigu’ ba PM Taur, FONGTIL Husu PNTL Investiga Protokolu

Ró Tranship II Gresik. Ró Tranship II Gresik. Foto Tempo Timor

Tempotimor (Dili)-Organizasaun sosiedade husi Fórum Organizasaun Naun Governamentál Timor-Leste (FONGTIL) husu ba Polísia Nasional Timor-Leste (PNTL) atu halo investigasaun ba servisu protokolu, tanba aluga Ró Tranship II Gresik ne'ebé ho kondisaun ladi'ak fó perigu ba vida Primeiru Ministru (PM), Taur Matan Ruak, bainhira hala'o viájen ba Postu Administrativu Ataúro.

“Ami-nia lamentasaun ida, tanba sua exelénsia PM, utiliza ró ne'e, ba halo servisu, no perigu ba seguransa no ami kestiona no husu PNTL atu halo investigasaun ba ema sira protokolu primeiru ministru nian ne'e, tanba lori primeiru ministru ba sa'e ró ida ne'ebé ninia kondisaun la seguru", dehan Diretór Ezekutivu FONGTIL, Daniel Santos do Cramo, liuhusi konferénsia imprénsa iha Kaikoli, segunda (14/06).

Tanba iha loron sesta (11/06), Ró Tranship II transporta Primeiru Ministru (PM), Taur Matan Ruak ho espoza Isabel Ferreira inklui membru governu, hala’o viájen traballu ba Ataúru, maibé bainhira to'o iha portu, ró refere susar atu atraka.

“Ami identifika katak, ró ne'e ninia kondisaun aat, tanba kesi ho tali rafia, depois oléo turuk, entaun ró ida ne'ebé la merese atu halo operasaun ba ita-nia rain”, nia kestiona. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items