Deputada CNRT, Carmelita Caetano Moniz haktuir, iha lei orgánika governu daualu nia hatete, Primeiru Ministru hasoru difikuldade ruma, vise Primeiru Ministru, Jose dos Reis no Vise Primeira Ministra, Armanda Berta tenke paprtisipa maibé la'ós Ministru Prezidénsia no Konsellu Ministru, Fidélis Leite Magalhães.

“Tanba ne'e mak vise primeiru ministru iha rua, ida vise primeiru ministru no ida vise primeira ministra, ne’ebé Primeiru Ministru iha impedimentu, vise nai’n-rua ne'e ida tenke reprezenta, la'ós ministru estadu ida ne'e mak mai fali iha ne'e”, kestiona nia iha ambitu diskusaun estratéjia prevensaun covid-19 iha plenária Parlamentu Nasionál, segunda (14/06).

Maibé vise Primeiru Ministru na’in-rua ne'e mak moras hotu, hafoin bele haruka Ministru Pezidénsia no Konselhu Ministru.

“Ita lahatene, ita bele fó deskulpa, mais se la moras halo favor mai tur iha ne'e tanba lei fó duni poder ba ida ne'e, labele hakarak lori de'it naran, e de pois lakoi toma responsabilidade”, hatete nia.

Hatan ba kestaun ne'e, Ministru Prezidénsia no Konsellu Ministru, Fidélis Leite Magalhães hatete, nia mai reprezenta Primeiru Ministru nia fatin tanba lei orgánika governu konstituisional daualu fó dalan.

"Ha’u nu’udar ministru prezidénsia konsellu ministru, iha ha’u-nia kna’ar rasik tuir organika governu, ida mak reprezebta seu primeiru ministru ho konselhu ministru, wainhira sira husu, ita-nia organiku governu mak dehan, ne’ebé ami la mai hanesan la tuir dalan ne’ebé mak iha”, esplika nia. (*)