Login to your account

Username *
Password *
Remember Me

Deskonfia Ministru MTK ‘Subar’ Rezultadu Inspesaun Ró Tranship II Ba PM Taur

Ró Tranship II Gresik. Ró Tranship II Gresik. Foto Tempo Timor

Tempotimor (Dili)-Deskonfia Ministru Transportes no Telekomunikasaun (MTK), José Agostinho da Silva, 'subar' rezultadu inspesaun ne'ebé Komisaun Anti Korrupsaun (KAK) halo kona-ba Ró Tranship II Gresik ba Primeiru Ministru (PM), Taur Matan Ruak.

“Iha servisu ida ami halo ba prevensaun ne'e mak ita halo, ami kumpri ona dever, komunika ami-nia deskobrimentu sira ho autoridade, ami fó hanoin ona, ami aviza ona katak, risku iha prosesu sira ne'e, no iha poténsia violasaun ba lei rejíme jurídiku aprovizionamentu ninian, ita halo hotu ona. Maibé, atu kumpri ka la kumpri, sira mós iha autoridade rasik, governante sira iha autoridade atu halo desizaun”, deklara Adjuntu Komisáriu KAK, Luis de Oliveira Sampaio iha nia kna’ar fatin, segunda (14/06).

Tanba iha loron ida antese, sira mós halo tan audiénsia ho Ministru Transporte no Telekomunikasaun (MTK) rasik hodi informa kona-ba fallansu ne'ebé hetan durante hamutuk ho Diresaun Nasional Transporte Marítima (DNTM) halo inspesaun ba Ró Tranship II Gresik ne'e.

“Ami aviza sasán sira ne'e hotu, ho intensaun ida katak sira bele rekonsidera fali desizaun agora, maibé ikus mai, sira-nia planu fiksu tiha ona, sira kontinua avansa, e ha'u hanoin desizaun ida atu husu Primeiru Ministru hodi uza ró ne'e ba Oekussi, hanesan forma ida, atu valida, atu lejitima sira-nia planu ne'ebé mak sira halo tiha ona”,  haktenik nia.

Maibé, sira sei la diskute kona-ba asuntu ne'e, tanba prosesu hotu sei la’o hela, maske sira la konsege trava buat hotu, tanba la'ós kompeténsia, KAK maibé atu fó de'it hanoin ligadu ho saida mak presiza konsidera, hadi'a no rekonsidera fali desizaun sira hodi labele prejudika ka la hamosu prejuizu ba estadu.

“Sé hamosu prejuizu ba estadu, husi desizaun ne'ebé mak sira halo, sei iha tan ezersísiu seluk, ne'ebé ita sei ko’alia iha área seluk ona. Prosesu investigasaun mak sei haree ida ne'e”, hateten nia.

Antes ne’e, Primeiru Ministru, Taur Matan Ruak, iha nia vizita traballu ba Postu Administrativu Ataúro, deklara seidauk iha koñesimentu kona-ba irregulidade sira ne'ebé KAK ho DNTM deteta, maibé atu husu ema ne'ebé trata ba assuntu ne'e, tenke responsável, tanba sasán la sala.

Entretantu, irregularidade sira ne’ebé KAK ho DNTM deteta mosu fallansu iha prosesu aprovizionamentu ba Ró Tranship II ne'ebé fatál tebes, inklui kondisaun ró nian ladun di'ak.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter