"30 Agostu loron ne'ebé kapaas tebtebes ba rai rua. Tratadu tama envigor," Xanana hatete iha Parlemantu Nasionál, Tersa (16/07/2019).
Nia mós husu ba deputadu sira, atu lakon tempu oituan iha loron hirak ne'e nia laran, hodi altera tiha lei hirak ne'ebé governu aprezenta ona ba Parlamentu Nasionál.
Inklui mós, alterasaun ba lei fundus petrolífeiru. "Ho ida ne'e, Primeiru Ministru TL ho Ptimeiru Ministru Australia bele troka notas ba tratadu Tasi Timor iha loron 30 Agostu tinan ida ne'e nia laran," nia hatete.
Prosesu ida ne'e, tuir Xanana, la'ós buat ida ne'ebé defisil. Tan ne'e, Xanana husu ba deputadu sira atu bazeia ba deputadu Antonino Bianco nia deklarasaun katak unidade, Asaun no prosesu ba prosesu ne'e.
"Husu ba ita bo'ot sira, hanesan ohin deputadu Antonino Bianco dehan atu unidade asaun no progresu. Unidade ba para ita ho asaun, aprova tiha buat ne'e," dehan Xanana.