Tanba antes ne'e movimentu Atoni Oan husu ba Prezidente Autoridade Rejiaun Administrativu Oe-kussi Ambeno (RAEOA) ezije atu fila ba Oe-kussi, miabé autoridade RAEOA haruka ekipa atu solusiona problema ne'ebé mak estudante no komunidade Oe-kussi durante ne'e hasoru iha Dili.
“Komprímisu husi Autoridade RAEOA katak ho sira-nia ekipa nia prezensa ne'e bele solusiona mais iha ne'ebé halo terus liután, tanba diskrimina ne'e iha ami-nia matan laran de'it, prepara tiha lista fó ba sira la bolu ami-nia lista ba bolu de'it nia família, bolu de'it ema ne'ebé nia koñese liu, Ferik ho katuas sira ne'ebé mak foin sai husi kurantena ohin bolu nafatin tan sira-nia naran”, dehan Portavóz iha Gabinete ZEEMS Farol, segunda (14/06).
Nune'e reprezentante Gabinete ZEEMS, Nilton Rodrigues hatete aprezenta lista ba sentru Integradu Jestaun ba Krize (SIJK) ne'e Movimentu Atoni Oan sira mak prepara.
“Pertense husi sira nia lista, e depois ida ne'ebé mak mai iha Gabinete no ida ne'ebé mak iha haree haruka nia bá sira bele ba hanesan ferik katuas sira”, dehan Nilton Rodrigues liuhusi telefone. (*)