Bazeia ba konstituisaun Repúblika, Primeiru Ministru (PM) nu’udar xefe governu, no xefe superior ba administrasaun públika, no la'ós governu mak xefe superior

"Maibé primeiru ministru, nia hanesan primeiru ministru, prezidente konsellu minsitru e konselhu superior funsaun pûblika, Diretór Jerál, liu sira ne'e hotu. Entaun primeiru ministru se kuandu nia ko’alia ne'e, nia kala iha baze, rona tiha husi Konsellu ministru, rona tiha fali husi administrasaub públika mak nia hodi deside ne'e”, esplika Topman iha rezidénsia Pantai Kelapa, sábadu (12/06).

Tanba ne'e, desizaun Primeiru Ministru, Taur Matan Ruak klaru ona, se mak simu ona vasina ne'e ba dala-rua kompletu, mak sira sei la'o livre iha Timor-Leste, no laiha tan teste swab.

"Tanba ida ne'e mak orden, ida ne'e mak determinasaun, ida ne'e mak desizaun mai husi governu, agora Diretór ida mesmu ke médiku, submete, Primeiru Ministru nia desizaun as liu, vigora liu”, hatete nia.

Maibè desizaun Primeiru Ministru ne'e, so Tribunál mak bele deside kontrariu, tanba Tribunál nia desizaun mak aas liu Primeiru Ministru nian iha área jurídika, la'ós área polítika.

"Area polítika, Primeiru Ministru, eh sempre, xefe governu e númeru iha administrasaun públika”, dehan nia.

Ho ida ne'e sei laiha tán funsionáriu públika ka Diretór ida mak atu kontra desizaun Primeiru Ministru (PM) kona-ba vasina dala-rua livre movimentu. (*)