Print this page

MOP Prioritiza Dada Eletrisidade Ba Suku

Ministru Obras Públika (MOP), Salvador Eugenio Soares Pires. Ministru Obras Públika (MOP), Salvador Eugenio Soares Pires. Foto Suplay

Tempotimor (Dili)-Ministru Obras Públika (MOP), Salvador Eugenio Soares Pires hatete, Governu iha planu prioridade hodi dada eletrisidade ba suku sira ne’ebé durante ne’e seidauk asesu ahi-eletrisidade.

“Agora ita prioritiza uluk lai suku mak ita avansa ba aldeia neneik, se ita halo hotu suku ne’ebé mak tama tiha ona depois nia aldeia hotu, maibé suku sira seluk laiha ne’e kuitadu liu la justu, entaun ita foku uluk mak ita haree fali aldeia sira ne’e”, dehan Ministru Salvador iha salaun Novo Turizmo Lesidere, kuarta (10/06).

Nune’e dada uluk ba suku atu atribui dezenvolvimentu iha teritóriu tomak hafoin avansa fali ba aldeia ne’ebé mak seidauk asesu ahi eletrisidade.

“Ita-nia prioridade bazeia programa Governu nian ne’ebé mak aprova iha Parlamentu Nasionál ne’ebé hatete katak halo oitavo Governu mak suku hotu tenke hetan hotu eletrisidade, de faktu, iha munisípiu balun, iha suku eletrisidade tama maibé aldeia balun seidauk”, esplika nia.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items