Print this page

PN Finaliza Pareser ba Projetu Lei Poder Lokál no Eleitorál Munisípal

Prezidente Komisaun A, Deputadu Joaquim dos Santos. Prezidente Komisaun A, Deputadu Joaquim dos Santos. Foto Suplay

Tempotimor (Dili)-Parlamentu Nasionál (PN) liuhusi Komisaun A ne’ebé trata asuntu Justisa no Konstitusionál iha kinta (10/6), finaliza ona relatóriu paresér ba projetu lei podér lokál, desentralizasaun administrativa inklui projetu lei eleitorál munisipál.

Prezidente Komisaun A, Deputadu Joaquim dos Santos, deklara, projetu lei ne'e komisaun aprova tanba konsidera importante.

“Ohin (10/06) Komisaun A aprova ona relatóriu no paresér ba projetu lei importante rua hanesan lei eleitorál munisipál, podér lokál no desentralizasaun administrative”, informa nia iha PN, kinta (10/06).

Husi aprovasaun ne'e, Komisaun A mós hala'o konsultasaun ho publiku, liliu rona parte husi munisípiu sira, hafoin realiza audiénsia públiku.

“Ami sei asina no aban sei haruka ba Prezidente Parlamentu Nasionál hodi ajenda no ami husu aprovasaun iha faze jeneralidade”, afirma nia.

Enkuantu objetivu husi lei eleitorál munisipál kona-ba eleisaun ba munisípiu sira, ne’ebé halo asimilasaun ba lei eleitorál nasionál nian. (*)

 

Rate this item
(0 votes)
Last modified on Monday, 14 June 2021 13:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items