Altera Lei RAEOA Hamosu Posibilidade Rua Featured

Oekuse hare husi Lalehan Oekuse hare husi Lalehan Foto Twiter Edward Rees

Tempotimor (Dili) - Parlamentu Nasional ne’ebé halo ona alterasaun ba lei Rejiaun Administrativa Espesiál Oe-Cusse Ambeno (RAEOA) no Zona Espesiál Ekonomia Sosiál Merkadu Timor Leste (ZEESM-TL) kona-ba kompetensia fó posse ba prezidente autoridade iha posibilidade pozitivu no negativu.

“Parlamentu Nasional altera lei iha posibilidade rua, ida iha mós pontu pozitiva ne’ebé fó vantajem di’ak liu ba governu hodi nune’e bele aselera prosesu dezenvolvimentu sira”, dehan akademista Camilo Ximenes Almeida, iha knaar fatin Kaikoli, Kinta (11/7).

Nia hatutan, pontu pozitivu husi alterasaun lei ne’e, maibé iha mós pontu negativu husi Parlamentu Nasionál ba altersaun lei RAEOA-ZEESM.

Nia afirma katak, iha Timor ne’e, bainhira iha planu asaun nasional ne’ebé la mai husi partidu nian, bainhira to’o iha tinan lima la presiza halo mudansa.

“Iha Timor kuandu planu asaun nasional ne’ebé la mai husi partidu, kuandu to’o tinan lima la presiza halo mudansa. Tanba ne’e, resposta di’ak ba nasaun no ba ema hotu iha nasaun ne’e, la’os fó resposta ba partidu”, dehan nia.

Camilo mós dehan, atu halo alterasaun ba lei tenke iha objetivu komum nasaun nian, maibé iha alterasaun ne’e halis liu ba interese partidu nian. Posibilidade partidu seluk ukun bele halo mudansa fali, tanba ema seluk ne’e konsidera partidu ida nian.

Nia mós husu ba polítiku na’in sira atu husik polítika viganza ne’e, tanba bainhira iha polítika vigansa Timor sei la la’o ba oin.

Rate this item
(3 votes)
Last modified on Thursday, 18 July 2019 11:56
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com