"Tuir ha’u haree no lolos labele akontese tanba ne'e diretu ema nian, durante iha estadu emerjénsia, serka sanitária, konfinmentu obrigatóriu, limita ona ema ninia mobilizasaun e sira laiha meius subsistánsia para moris”, deklara deputada Maria Fernanda Lay, iha Parlamentu Nasionál, kuarta (09/06).

Pozisaun CNRT konsidera ezisténsia covid-19 la'ós razaun prinsipal ba MSSI no BNCTL, tanba programa sesta bazika implementa hela, inklui Sentru Konvensaun Dili (CCD) ne’ebé kada loron ema nakanu.

Nune’e laiha razaun atu hapara pagamentu ba idozu sira, maibé governu no banku sira presiza halo jestaun, tanba realidade agora igreja parokia sira mós hahú hala'o atividade misa.

"Klaru katak iha momentu nesesidade ema hotu presiza osan, sira devia bele sensibilidade ba ida ne'e, covid la'ós razaun forte tuir ha’u-nia haree”, dehan nia.

Bankada CNRT kritika ida ne'e tanba governu rasik hatene ema ho defisiente no idozu moris ho osan subsídiu ne'ebe oferese husi governu. (*)