Haree ba eleisaun prezidensial iha tinan 2022, ema hotu ko’alia ona, tanba parlamentu no governu rasik tau prioridade deskusaun ba alterasaun lei eleisaun prezidensial nian.
"Ita iha diskusun ona, ha’u mai ko’alia mós sua exelensia Prezidente Parlamentu Nasionál, para bele trata kestaun ne'e ho komisaun ne’ebé mak dida ba eleisaun nian. Tempu naton atu halo diskusaun iha audénsia públiku, rona entidade sira, rona mós opiniaun tékniku balun husi tribunál rasik”, dehan Deolindo dos Santo hafoin audénsia ho Prezidente PN) Aniceto Guteres iha PN, kuarta (09/06).
Tribunál presiza fó hanoin tekniku balun ba alterasaun lei eleisaun prezidensia tanba kompeténsia lei ne'e atribui ba supremu Tribunál ne’ebé seu hatur husi kandidatura ba eleisaun prezidensial no rezultadu eleisaun prezidensia.
Iha kazu ne'e, komisaun A PN tenke lalais no posivél iha diskusaun, tanba tinan 2022 hahú halo eleisaun refere.
"Tanba ida ne'e mak iha kesatun tekniku balun sira ne’ebé konsta iha lei atual nian, presiza haree hamutuk, ne'e mak ko’alia atu rona mós parte Tribunál nian”, dehan nia.
Tribunál rasik mós sei fó solusaun tekniku ne’ebé di’ak liu, atu-nune'e eleisaun kestaun balun ne’ebé koloka to'o Tribunál iha ona solusaun legál no sei laiha interpretasaun.
Ba kestaun ne'e Prezidente Parlamentu Nasionál, Aniceto Longuinhos Guteres Lopes hatete, nia parte sei haruka ba deputadu sira kona-ba preokupasaun alterasaun lei eleisaun prezidensial ne’ebé atribui husi Tribunál Rekursu. (*)