Ekipamentu ne'ebé apoiu mak Laptop 25, adaptor multiportu nian 22, layar haat no United Parcel Service (UPS) rua, hamutuk ho pakote Microsoft Office.
“Inisiativa ne 'e halo parte ba dezenvolvimentu kapasidade institusionál no resposta ba COVID-19 iha projetu ‘programa para a consolidação da governação econômica e sistema gestão das finanças publicas (Pro PALOP)’ atu hametin governasaun efetiva husi nasaun sira ko'alia lian-portugés iha Áfrika no Timor-Leste ne’ebé fahe kuadru lejizlativu hanesan”, dehan Embixadór Uniaun Europeia, Andrew Jacobs, liuhusi omunikadu imprensa ne’ebé www.tempotimo.com asesu, tersa (08/06).
Liuhusi programa ne'e apoiu ba Jestaun Finansas Públika atu reforsa kapasidade orgaun supervizaun orsamental timoroan nian iha KAK, Parlamentu Nasionál, Inspesaun Jerál, Kamara Kontas Polísia Sientífiku Investigasaun Kriminál.
"Ba KAK, projetu ne 'e tulun dezenvolve Estratejia Anti Korrupsaun no kampaña divulgasaun hodi prevene korrupsaun, hamutuk ho apoiu husi ICT”, dehan nia.
PNUD nia apoiu ba KAK foin lalais ne 'e foka liu ba aspetu prevensaun, hanesan dezenvolve avaliasaun diagnóstiku anti Korrupsaun nian no formasaun manuál no hala'o kampaña divulgasaun ba funsionáriu públiku sira. (*)