“Sim ami agradese, tanba ami bele kultu fali no hala'o Maromak nia obra kultu prezensiál no tanba fó regra flexibilidade”, dehan Pastór Francisco dos Reis hafoin hasoru malu ho Primmeiru Ministru, Taur Matan Ruak, Farol, tersa (08/06).

Nune'e Igreja mós fó ideia ba Primeiru Ministru, Taur Matan Ruak katak haree ba situasaun ne'ebé mak menus bele fó oportunidade ba ema hodi halo negósiu.

“Ami mós fó ideia ba Primeiru Ministru, Taur Matan Ruak katak haree ba situasaun ne'ebé mak menus oituan no iha fatin ne'ebé ladún perigu fó liberdade para salva ema husi mate nomós fó livre ema bele book-an hodi hadi’a ekonomia tanba haree ba ne'e susar looss”, hatete nia.

Igreja mós agradese agradese tanba governu ida ne'e atravesa krize kompleksu barak loos maibé konsege ultrapasa to'o no krize boot liu mak kalamidade no Covid-19 mundiál ne'e, maibé la'o dadaun ba rohan tanba ho Maromak nia Grasa ho orasaun no imunidade ne'ebé iha no kazu óbitu ladun. (*)