Login to your account

Username *
Password *
Remember Me

Lei Ezije Funsionáriu Públiku Tenke Deklara Riku-Soin

Ministru Obras Públikas (MOP), Salvador Eugénio Soares dos Reis Pires. Ministru Obras Públikas (MOP), Salvador Eugénio Soares dos Reis Pires. Foto Suplay

Tempotimor (Dili)-Ministru Obras Públikas (MOP), Salvador Eugénio Soares dos Reis Pires hatete, lei númeru 7/2020 kona-bá medida prevensaun no kombate korupsaun dadaun ne'e estabelese ejize funsionariu públiku (FP) sira tenke deklara riku-soin.

Tanba ne’e, Ministériu Obras Públika hamutuk ho Komisaun Anti Korupsaun (KAK) hahú hala'o desiminasaun informasaun lei 7/2020, 26 Agusto kona-ba “Medida Prevensaun no Kombate Korupsaun Liga ba Deklarasaun Riku-soin” ba funsionáriu públiku no ajente sira tutela Ministériu Obras Públikas nian iha Novu Turizmu, Dili.

“Semináriu ohin ne’e konvida Komisaun Anti Korupsaun mai halo desiminasaun ba Lei Medida no Kombate Korupsaun ba Funsionáriu Públiku. Ita-boot sira hatene katak lei númeru 7/2020 ne’e ejize funsionáriu públiku, kargu xefia, xefe gabiente, assesór sira hotu tenke présta deklarasaun riku-soin, atu labele iha konflitu interese bainhira présta sira-nia kna’ar hanesan funsionáriu públiku ou ajente husi instituisaun Governu nian”, dehan Salvador iha salaun Novu Turizmu, segunda (07/06).

Bainhira implementa lei ne’e sei kontribui maka’as ba hasa’e no eleva prestasaun servisu liliu liga ho Obras Públika, prestasaun servisu bázika, kualidade projetu sira no rigormente kontrola konflitu interese sira iha instituisaun ministerial.

Maibé deklarasaun riku-soin ne’e tuir espetativa servisu prestasaun infraestrutura bázika husi aspetu administrativa tenke efisiente liután, laiha intensaun konflitu interese ne’ebé bele mosu husi jestaun, projetu sira ka ezekusaun orsamentál.

“Ha’u fiar katak ida-ne’e bele kesi ka kontrola liután ita-nia funsionáriu públiku sira ne’ebé mak servisu iha ministériu, présta hela servisu implementasaun husi obra ne’ebé uza osan públiku, ka povu nia osan mak finansia, liuhosi Orsamentu Jerál Estadu”, hatete nia.

Ho ida ne'e husu ba funsionáriu públiku no ajente sira tutela ba Ministériu Obras Públika atu kontribui ba medida prevensaun no kombate korupsaun liga ho deklarasaun riku-soin.

Iha fatin hanesan, Komisáriu KAK, Sergio Hornai, deklara husi semináriu ne’e atu fahe informasaun kona-ba Lei Medida Prevensaun ba Kombate Korupsaun nian atu nune’e funsionáriu, ajente, traballadór no kargu xefia nomós sira ne’ebé mak la kaer funsaun maibé iha fatin sira ne’ebé estratéjiku, atu présta deklarasaun ba autoridade kompetente.

Ho sensebilizasaun ne’e atubele lori koñesimentu lei ne’e besik liuba kargu dirijente sira iha Ministériu Obras Públika, nune'e sira komesa tau iha prátika ba formuláriu sira ne’ebé mak sei priense no sei kumpri.

Tanba, iha prazu ne’ebé estabelese ona iha Lei katak sei kumpri sira-nia deklarasaun hahú kaer posse to’o husik sira-nia kargu iha komisaun servisu ka mandatu servisu ne’ebé mak halo kargu hanesan iha funsaun estruturál nian nomós iha funsionál nian. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter