FONGTIL Sei Haruka Keixa Komunidade ba PDHJ

Diretór ezekutivu FONGTIL, Daniel do Carmo Santos. Diretór ezekutivu FONGTIL, Daniel do Carmo Santos. Foto Suplay

Tempotimor (Dili)-Forum Organizasaun Naun Governamentál Timor-Leste (FONGTIL) sei hatun keixa sira ne'ebé durante hato'o husi komunidade ba Provedória dos Direitos Humanos e Justiça (PDHJ) hodi hatuur justisa ne'ebé hanesan ba ema hotu.

Tanba durante ne'e iha kazu violasaun barak mak mosu iha komunidade sira nia leet no hato'o mós keixa ba FONGTIL.

"Hanesan ita hothotu hatene katak dezde implementasaun serka sanitária no konfinamentu obrigatóriu iha Dili no iha Munisípiu sira, kuaze kazu violasaun direitu umanu ne'e barak mak akontese, ita-nia populasaun hato'o keixa ba ONG forum, hato'o depois ita enkamiña mai PDHJ, entaun ita hanoin katak oinsá mak komunikasaun ativu entre NGO forum ho PDHJ ne'e, bele agresivu liutan”, dehan Diretór ezekutivu FONGTIL, Daniel do Carmo Santos, hafoin somutuk kooperasaun ho PDHJ iha Kaikoli, segunda (07/06).

Tanba ne'e, FONGTILho nia Rede Defensor Direitu Umanu (RDDU) sei hamutuk ho PDHJ atu dinamiza mekanizmu komunikasaun ho koordenasaun oinsá atu fó resposta ba atu violasaun hasoru ema nia direitu ne'ebé halo husi ajente estadu sira, liliu membru PNTL sira.

iha fatin hanesan Provedoria PDHJ, Jesuina Maria Ferreira Gomes hatete, PDHJ ho FONGTIL reforsa objetivu kooperasaun no koordenasaun liga ba atendimentu ba kesar, oinsá bele ajuda fasilita sidadaun sira atubele hetan asesu ba justisa.

"Atu hato'o kesar mai iha PDHJ nomós atu reforsa tan kooperasaun ne'e para kesar sira ne'ebé FONGTIL simu bele kanaliza mai iha PDHJ, nune'e PDHJ bele halo tuir prosedimentus hodi fó atendimentu ba kesar sira ne'e”, hateten nia.

Tanba papél PDHJ nian mak halo rekomendasaun, la’ós atu tesi lia hanesan tribunal, nomós la foti prosesu dixiplinár hanesan komisaun funsaun públika.

"Tanba PDHJ mak iha kna'ar konstitusional atu rejísta kesar sira ne'e, atu halo apresiasaun ba kesar, e loke investigasaun, halo konkluzaun no hato'o rekomendasaun", nia hakotu. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter