Nune’e iha sábadu (05/06) tuku 18:15 oras timor-leste (otl), Xanana Gusmão ho lia-na’in foin tun husi foho hafoin halo tuir kultura taka ku'ak iha Tasitolu Foho Sukaer Oromata nia Leten.

Tanba fulan rua nia laran hamutuk ho Komunidade hodi ajuda supa sai bee ne'ebé nakonu komunidade ne'ebé afeita inundasaun ne'ebé akontese iha loron 4 fulan-abríl tinan 2021.

Lia-na'in, Joao Pintu hatete, serimonia enseramentu kultural halo taka ku'ak, antes ne’e nee tana iha komunidade sira-nia uma.

"Ohin katuas sira sa'e ba Foho Sukaer Oromata hodi halo tuir kultura hodi taka ku'ak tanba antes ne'e bee tama ema nia uma katuas husu lisensa no ohin taka fali" dehan lia na’in Luis Pintu hafoin tun husi foho Sukaer Oromata hamutuk ho Xanana Gusmão, sábadu (05/06).

Iha serimonia enseramentu ne'e hetan partisipa mós Eis Prezidente Repúblika, José Ramos Horta no artista nasionál hanesan Abio Salsinha, Siku Ramelau no Artista seluk tan.

Tuir observasaun jornalista www.tempotimor.com iha terenu nota komunidade barak mak antusiazmu tebes hodi partisipa serimonia enseramentu ne'e. (*)