"Estrada Gleno-Letefoho-Hatubuiliku ne'ebé nia luan efetivu tiha ona, dezeñu efetivu tiha ona, besik tenderizasaun ona, see tender remata 2022 ita halo ona. Dezeñu no verifikasaun hotu ona hein loke tenderizasaun, see ita dehan fulan 6 prosesu administrativa hotu, bele dehan 2022 ne'e mobilizasaun ba konstrusaun”, dehan Ministru hafoin hala'o vizita ba munisípiu Ermera no haree direita kondisaun estrada husi Gleno to'o Ermera Lama, sesta (04/06).

Rekonstrusaun estrada refere sei fahe ba Lot 3, Lot 1: husi Aftutu-Hatubuiliku Munisípiu Ainaro nian, Lot 2: husi Hatubuiliku to'o Letefoho no Lot3: husi Letefoho to'o Gleno Munisípiu Ermera nian.

Orsamentu impréstimu ba konstrusaun estrada Lot 3 fornese husi Banku Mundiál, iha tinan 2019 Governu liuhosi Konsellu Ministru autoriza ona Ministériu Finansas hodi asina akordu finansiamentu impréstimu ba konstrusaun estrada estrada Gleno, Letefoho no Hatu-Beliku, ho distánsia 44.3KM.

Husi Vizita traballu ne’ebé hala'o husi Ministru MOP hetan akompaña husi Diretór Jerál Administrasaun no Finansas (DJAF), Januário Barbosa, Prezidente Institutu Jestaun Ekipamentu (JE), Hermengilda D. C. Laurentina ho vogál sira, Jestór Unidade Manajementu Projetu (PMU), Sidónio Freitas Amarál, inklui tékniku sira. (*)