"Apoiu finanseiru ba ha’u, iha enkontru bara-barak mós ha'u dehan tiha ona ba imi (jornalista) katak Timor-Leste presiza apoiu porque organizasaun internasional hothotu, ita liuhusi tempu ida que difísil, krize ekonomiku, krizi finanseiru, ita lakoi katak iha tempu ne’ebé timoroan ida ba tur iha ne'eba, iha nia oin mak organizasaun ne'e monu”, hatete Zacarias Albano hafoin hasoru malu ho Ministru Prezidénsia no Konselhu Ministru (MPKM), Fidélis Leite Magalães iha Palásiu Governu, sesta (04/06).
Maibé, normalmentd mandatu ne’ebé Timor-Leste hetan husi organizasaun CPLP sei hetan garantia no apoiu tomak husi governu.
“Seu ministru Fidélis, nia mós ko’alia ho seu Primeiru Ministru rasik fó ona apoiu tomak mai ha’u, apoiu oitavu governu nian”, dehan nia.
Tanba kargu ne’ebé iha, ba governu daualu mak nomeia duni, no hanoin katak Importante liu mak kargu ne’ebé Timor-Leste hetan iha ho prosesu sira ne’e tenke rona lideransa hothotu atu kontribui ba organizasaun.
"Ha’u hanoin prosesu de eskultasaun ne'e siknifika katak ha’u ba rona husi ita-nia boot sira, ita-nia líder sira, para ita hothotu kontribui ba organizasaun ida ne'ebe ita mós hola parte”, hatete nia.
Iha enkontru ne’e, Ministru Fidélis fó valor, fó importánsia ba CPLP, maibé husu Ministru atu haree di'ak liután apoiu instituisional ne'ebé presiza nu’udar Sekretáriu ezekutivu hahú husi loron 17 fulan-jullu tinan 2021.(*)
