KAK ho DNTM Hala'o Inspesaun ba Ró Sukses no Tranship II

Ró Sukses. Ró Sukses. Foto Suplay

Tempotimor (Dili)-Komisaun Anti Korrupsaun (KAK) liuhusi diresaun Prevensaun no Sensibilizasaun hamutuk ho Diresaun Nasionál Transporte Marítima (DNTM) hala'o inspesaun ba Ró Sukses no Tranship II ne'ebé governu kontrata hodi mai hala'o operasaun iha Timor-Leste, kinta (03/06).

Adjuntu Komisáriu KAK ba asuntu Prevensaun no Sensibilizasaun, Luis Oliveira Sampaio hatete, ekipa diresaun sensiabilizasaun dadaun ne'e, servisu hamutuk ho diresaun Nasionál Transporte Marítima, hodi rekoila dadus bazeia ba ejizensia públiku, no Parlamentu Nasional.

"Sim, ami simu informasaun katak ohin atu halo inspensaun, ekipa husi diresaun Nasionál Transporte Marítima nian atu halo inspesaun ba ró rua, ró ida agora Sukses, ho ró (Tranship II), governu foin kontrata atu mai halo operasaun iha Timór”, dehan nia iha Portu Dili, kinta (03/06).

Iha prosesu ne'e ekipa KAK hetan buat balun ne’ebé presiza halo klean liután, oinsá ajuda governu atu hadi’a sistema ne’ebé mak iha ona.

Ho ida ne'e, iha semana ne'e nia laran, prosesu sira ne'e ekipa sei haree, no analiza bainhira iha ona rezultadu maka sei informa ba governu atu haree.

"Depois ita hetan tiha dadus sira ne'e, e tanba diresaun ida mai ne'e diresaun prevensaun sensibilizasaun, se ami hetan dadus sira ne'e hotu, ita aprofunda, ita analiza, ita bele fó hanoin ruma ba Ministériu tutela ba prosesu ida ne'e nian”, dehan nia.

Ekipa KAK hala'o rekollamentu ba dokumentu inklui kontratu husi Ró rua ne'e, hodi konfirma mós ba provizaun lei aplikavel sira, rejime aprovizionamentu ninian.

"Buat sira ne'e mak ita rekolla hela. Hotu mak ninia deskobrementu halo nusa, ita komunika ba autoridade kompotente," haktenik boa.

Enkuantu servisu ida ne'e halo parte iha ámbitu servisu prevensaun no sensibilizasaun, servisu prevensaun ninian, papel importante iha artigu 5, lei númeru 8/2009 kona-ba kriasaun komisaun anti korrupsaun.( *)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter