Komisaun Rekrutamentu F-FDTL Hasai Kandidatu Na'in-3

Xefi Saúde Militár iha Komandu Falintil-FDTL, Tenente Koronel, Guido de Oliveira, hamutuk ho ekipa médika sira iha Centro Formasaun e Terreno (CFT) Metinaru, kinta (03/06). Xefi Saúde Militár iha Komandu Falintil-FDTL, Tenente Koronel, Guido de Oliveira, hamutuk ho ekipa médika sira iha Centro Formasaun e Terreno (CFT) Metinaru, kinta (03/06). Foto Tempo Timor

Tempotimor (Dili)-Komandu Falintil-Forsa Defeza Timor-Leste (FFDTL) liuhusi komisaun rekrutamentu elimina (hasai) ona kandidatu na'in-tolu, tanba konsidera la priense kritériu ho altura.

Kandidatu na’in-tolu ne'e, kompostu husi mane na'in-rua ho feto ida, sira ne'e ekipa komisaun rekrutamentu konsidera lakon ona, tanba altura mak la to'o durante halo abertura teste, loron kinta (01/06) iha komponente formasaun no terrenu iha Metinaru.

Tuir kritéria, altura ba kandidatu mane sira ho 1,75 metru no ba kandidatu feto sira ho metru 160.

"Normalmente, regra ne'ebé ami aplika, nia (kandidatu sira) mai tetu altura ne'e, ita elimina kedan iha ne'ebá, tanba ninia altura ne'e la to'o. Horseik (02/006) de'it ami elimina ema na'in-3 tanba ninia altura ne'e la to'o kritériu”, informa Xefe Saúde Militár iha Komandu Falintil FDTL, Tenente Koronel Guido de Oliveira, bainhira fó teste ba kandidatu sira iha Componente Formaçăo e Terreno (CFT), Metinaru, kinta (03/06).

Maibé, parte seluk ne'e tenke liuhusi analiza hafoin fó rezultadu ikus. Tanba tipu ezaminasaun ne'ebé ekipa médiku sira hala'o ba kandidatu sira mak hanesan, teste saúde, psikoteste, entrevista no teste fizíka.

Teste hirak ne'e sei hala'o durante loron haat-nulu (40), no kada loron ekipa komisaun rekrutamentu halo ba kandidatu na'in-60, maibé fahe ba grupu 7 no komanda husi membru forsa armada na'in-ida.

Kompozisaun ba ezame médika ne'e, kompostu husi Hospital Nasionál Guidu Valadáres (HNGV) ho nia espesialista hamutuk ema na'in-14, tékniku hamutuk hamutuk ema na'in-7, hanesan espesialista interna, kardiolojia, sirurjia, jinekolójia, matan inklui espesialista husi laboratóriu nasionál.

"Atu halo analiza ba rán hodi deteta moras hanesan ida ne’ebé ita hotu lahakarak. Mak ida ne'ebé, hepatitis labele tama, HIV-SIDA labele tama, e moras ida ne'ebé afeta ba forsa armada ne'e labele tama. Ho ida ne'e mak, ekipa ida ne'e buka no peskiza, avalia ba ema ne'ebé tama iha forsa armada ne'e, melhores dos melhores", haktenik nia.

Entrentantu, Médiku husi Hospital Nacional Guido Valadáres (HNGV), Mendes Pinto hatutan, ekipa médiku sira ne’e, iha área espesializada sira hanesan, medisina interna, Kardiovaskular, Opstetria, Seruljia, Otorenu, no seluk tan.

"Entaun, kuandu ita-nia médiku sira ne'e halo ezame hotu, sira sei halo sira-nia rekomendasaun ba ekipa juri mak sei deside sira ne'e, ida ne'ebé mak liu, ida ne’ebé mak lae. Tanba problema saúde ne'e iha balu ki'ik, no iha balu boot, balu absoluta que labele duni", hatete nia.

Bainhira iha teste mak sira deteta ema balu matan laharee, tilun la rona, nia labele tama forsa, ne'e absolutamente sei laiha toleránsia.

Maske nune'e, rezultadu teste hotu, ekipa médiku sira sei hato'o ba parte komisaun sira mak deside tuir kritéria sira entre passa no la passa.

"Korasaun haree husi parte korasaun, siruljia nian, ida-idak haree husi espesializasaun, depois sira sei rekomenda mai iha ekipa-de-juri mak foin foti desizaun, ida ne'ebé mak passa, ida ne'ebé mak tama kritéria, no ida ne'ebé mak latama", dehan nia.

Entretantu, totál kandidatu sira ne'ebé liu ona iha faze selesaun dokumentu hamutuk ema 2,.00, maibé sei tuir teste ho fazeadamente.

Kandidatu sira husi Munisípiu Dili na’in-394, maibé sira ne'ebé tuir ona teste durante loron tolu husi (01 to'o 03/06) hamutuk ema na’in-360. (*)

 

Rate this item
(3 votes)
Last modified on Thursday, 03 June 2021 19:10
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter