Bainhira sai prezidente politiku sira tenke hamutuk, tanba problem atubele apoiu no labele ko’alia no kontra fali desizaun Estadu ninian.

“Ha'u sei kandidata karik, la'ós ha'u mak kandidata-an maibé ne'e partidu sira. Ha'u bele dehan partidu sira iha Timor ne'e. Kandidata ha'u, tantu PLP, FRETILIN, KUNHUTU sira bele kandidatu ha'u, por que ha'u iha relasaun di'ak ho sira", hatete Lere hafoin reuniaun ho Prezidente Repúblika, Francisco Guterres ‘Lú Olo’, iha palásiu prezidensiál, Bairopite, kurta (02/06).

Lere sei dúvida ho informasaun ne'ebé sai viral iha mídia sosial kona-ba partidu sira sei kandidata nia ba Prezidente Repúblika, tanba seidauk iha partidu ida mak ko’alia ho nia.

“Meda bainhira seidauk mate ne'e keta taa lai ha'u, meda mai tiha mak o taa ha'u, agora ha'u seidauk hatene tan, ema ida seidauk hasoru ha'u no ha'u mós la ko'alia tan, ha'u hanoin sira polítika mak ko'alia no ha'u seidauk hanoin to'o ne'ebá", dehan nia.

Maibé to’o agora seidauk dehan atu kandidata-an no nia seidauk seidauk hatene, no seidauk bele deklara ba públiku no politiku sira mak foin ko’alia.

"Ami seidauk iha aprosimasaun husi partidu púlitik ho ha'u rasik, dalaruma sira tauk tan", afirma Lere.

Tanba atu sai prezidente, soldadu nomós povu hothotu iha dever obrigasaun atu servi estadu.

"Ami na'in hira ne'e hatudu ona 24 anos. Se 24 anos ami aseita ami-nia mate, nusa mak agora atu halo kontinualidade ba ami-nia funu ne'e la bele", dehan nia. (*)