“Aprova ona husi konsellu ministru, autorizasaun ba selebrasaun akordu ida husi ministériu finansas entre governu Timor-Leste ho Austrália, relativu ho kontribuisaun finanseira direta ida hodi apoia reziliénsia komunitária no rekuperasaun ekonómika iha Timor-Leste durante pandemia blogál covid-19”, dehan Ministru Prezidénsia Konsellu Ministru (MPKM), Fidélis Leite Magalhães hafoin reuniaun KM iha salaun Ministériu Finansas, Aitarak Laran, kuarta (02/06).

Ho akordu ne'e, governu Austrália sei realiza kontribuisaun finanseira direta ida ho valór orsamentu dollár Australianu millaun 20, ka ho dollár Amérika besik US$15,5.

Husi akordu ne’e fó apoia ba komunidade sira hadi'a ninia infraestrutura sira liuhusi Programa Nasional Dezenvolvimentu Suku (PNDS) nomós orsamenta no implementa projetu Bolsa-da-Măe jerasaun foun. (*)