Ministru Prezidensia Konsellu Ministrus, Fidélis Leite Magalhães informa, desizaun Konsellu Ministrus nian iha loron 31 fulan-maiu tinan 2021, hodi obriga sidadaun hotu iha uma durante semana rua hahú husi tuku 00:00 loron 1 fulan-juñu tinan 2021 no tuku 23:59 loron 14 fulan-juñu 2021.
“Konfinamentu Konsellu Ministrus aprova ona Rezolusaun Governu nian ne’ebé mantein impozisaun konfinamentu obrigatóriu iha Munisípiu Dili ba loron 14 tan”, dehan nia iha Ministériu Finansas, segunda (31/05).
Iha Munisípiu Dili mós mantein nafatin impozisaun konfinamentu domisiliáriu jerál ba ema hothotu ne’ebé hela ka oras ne’e daudaun iha hela Munisípiu Dili.
“Exetu tanba razaun sira ne’ebé uluk define tiha ona, liuliu tanba razaun sira saúde nian, serbisu no ba asesu sasán no servisu sira ne’ebé sai hanesan nesesidade bázika no atu partisipa iha selebrasaun sira karris relijiozu no eventu kultu sira seluk”, esplika nia.
Tanba ne’e, rejista de’it alterasaun ida, ho autorizasaun ba sidadaun sira bele auzenta husi sira-nia rezidénsia hodi realiza resenseamentu eleitorál. (*)