Deputadu CNRT, Jose Vergilio hatete, iha fulan-abril governu liuhosi Ministériu Ensinu Superiór Siénsia no Kultura (MESSK) preve ona osan atu apoiu subsidiu ba estudante universitariu públiku no privadu maibé to'o agora sira seidauk hetan.

“Hato'o mós ba governu katak Ministériu Ensinu Superior para haree netik subsídiu atu fó estudante sira ne'e tanba sira ba simu fotmulaáriu ba ense de'it mais áte a data subsídiu ba sira ne'e seidauk to'o”,  afirma nia iha plenária PN, segunda (31/05).

Tanba inundasaun ne’ebé akontese iha loron 4 fulan-abril to'o agora vítima sira área Manleuana no Tasitolu inklui munisípiu sira mós balun seidauk hetan apoiu.

Tuir lolos, governu tenke atende ona kestaun hirak ne'e tanba Orsamentu Jerál Estadu (OJE) 2021 no orsamentu rektifikativu 2021 Parlamentu Nasionál aprova ona.

Nune’e, Deputadu Bankada PD, Mariano ‘Asanami’ Sabino, husu atu hala'o ona prosesu atendimentu ba vítima sira tanba presiza duni apoiu. (*)