Ho aplikasaun regra ba prevensaun surtu Covid-19 tenke distansia sosiál uza máskara no labele halibur malu liu na'in-10 maibé to'o ikus governu rasik kontra regra.
Diretór ezekutivu Asia Justice and Rights (AJAR), José Luís de Oliveira hatete, Governu tau ona regra hodi hapara atividade missa tanba halibur ema, maibé governu halo enkontru hodi halibur ema barak.
“Ita dehan regra ba Covid-19 aplika tun sa'e de'it, tanba realidade agora dehan bandu maibé governu halo enkontru boboot bolu ema barak, maun Xanana ba halo enkontru iha ne'ebá bolu ema barak, namediga ema ba reza labele”, dehan nia iha kna’ar fatin Farol, sesta (28/05).
Maski governu rasik mak kria regra, maibé halo enkontru governu halibur ema barak.
Tanba ne'e, violasaun ba regra no governu rasik la konsisten, bainhira la muda regra signifika govenru rasik hakarak viola ema nia direitu.
“Governu halibur ema barak bele tanba saida mak agora ida ne'e, ema ba misa la bele, tuir lolos governu mak tenke apela implementasaun protokoku Covid nian nune'e ema bele ba misa”, dehan nia. (*)