INSS Detekta Funsionáriu Públiku Husu Subsídiu

Tempotimor (Dili)-Governu liuhusi Institutu Nasionál Seguransa Sosiál (INSS) detekta funsionariu públiku balun husu subsídiu ne’ebé governu prepara ba setór privadu.

"Iha funsionáriu públiku mós balun mai, ita-nia subsídiu ne'e ita atu fó ba emprezáriu sira ho ita-nia traballador sira ho setór privadu sira, la'ós ba setór públik sira", dehan Prezidente Konsellu Administrasaun Institutu Nasionál Seguransa Sosiál (INSS), Longinhos Armando Leite iha nia kna’ar fatin INSS Kaikoli, tersa (25/05).

Maibé, Iha entidade empregadór sira ne'ebé mai husu subsídiu la anexa ho traballador sira-nia dokumentu.

"Ita deteta iha balun mós, problema ami hetan katak empregadór sira no kompaña sira lori lista traballadór sira-nian mai, lori ema nia eleitoral mai maibé na realidade ema ne'e, adere hela tiha ona ba fakultativu ka ema ne'e nia seguransa sosiál iha tiha ona, ida ne'e ita deteta”, afirma nia.

Prosesu sira ne’ebé INSS deteta, tanba sidadaun ne’ebé rejista ona no naran ba seguransa sosiál kada ema ida.

"Ha'u ko'alia ona ho ami-nia ezekutivu sira ami sei halo karta ida ba Ministériu, maibé ami sei detekta uluk lai ema ne'e mai husi Ministériu ida ne'ebé, pois ami sei halo karta ida ba katak ema ne'e mós mai rejistu iha Institutu Nasionál Seguransa Sosial no kona-ba sansaun ne'e Ministériu mak sei fó”, informa nia.

Bbainhira ema funsionáriu públik maibé ba rejistu hanesan patraun, na’in ba karreta mikrolet ka taxi nain, mak sei haree filafali ho lei.

"Iha ema na'in-4 ou na'in-5 mak detekta sira funsionáriu públik", dehan nia.

Ba rejistrasaun ne’e iha looron ida simu dokumentu hamutuk 250, maibé dadus ba ema ne'ebé rejistu seguransa sosiál seidauk kompletu tanba ne'e seidauk bele fó sai dadus. (*)

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter