Login to your account

Username *
Password *
Remember Me

CNRT ‘Kontra’ Governu Obriga Funsionáriu Públiku Simu Vasina

Xefe Bankada CNRT, Deputadu Duarte Nunes. Xefe Bankada CNRT, Deputadu Duarte Nunes. Foto Suplay

Tempotimor (Dili)-Bankada Congresso Nacional de Reconstrução de Timor (CNRT) iha Parlamentu Nasional (PN) kontra Governu ne'ebe obriga funsionáriu públika atu simu Vasina AstraZeneca.

Xefe Bankada CNRT, Duarte Nunes hatete, governu tenke tau responsabilidade ba ninia desizaun obriga funsionáriu sira simu vasina AstraZeneca maske la ho infetadu covid-19.

"Ha’u hanoin ne'e estratéjia ida ne'ebé governu iha, atu buka ema barak vasina hodi aumenta imunidade. Mais problema ida, ita kuandu obriga ema, siknifika que governu tenke resonsabiliza saida de'it mak akontese ba nia, bainhira nia simu vasina”, dehan nia iha PN, kuarta (26/05).

Maibé CNRT nota, estratejia ne’ebé governu halo iha situasaun ne'e sei hamosu de'it problema, tanba aplika vasina obrigatóriu ba ema hotu maske ema laiha moras covid-19.

"Porzemplu, se ha’u kuandu moras ha'u ba ospital buka, porque ha'u sente moras, se ha'u ba mak tenke opera mós ha'u asina, ne'e tanba ha'u prontu responsaniliza ba moras ne’ebé akontese ba ha'u, mais agora estadu mak obriga ha'u ne'e situasaun seluk”, afirma nia.

Bainhira governu haruka ema ida simu vasina, kuandu buat ruma akontese moras seluk ba nia saúde, ida ne'e tenke responsabiliza, lori nia ba konsulta iha liur.

"Ba liur se kaundu iha kogulasaun ne'e tenke tau kadeli saida ruma para ran ne'e halai fali, ba nia moris, ne'e responsabilidade tanba o (governu) dehan o (funsionáriu) tenke simu, o (governu) tenke responsabiliza ba buat ne’ebé akontese, ida ne'e mak dehan estadu”, deklara nia.

Maibé, Xefe Bankada Frene Mudansa, Isabel M. B. F deklara, funsionáriu públiku ne'e estadu iha diretu atu hasai desizaun obrigatóriu ka lae, tanba lei funsaun públika mós fó dalan.

"Ida ne'e tuir lei funsionáriu públiku nian ne'e diretu ba iha estadu bele deside e obrigatóriu ou não. Maibé agora ita haree ba nesesidade hodi bele trava surtu ne'e, vasina ne'e opsaun ida ne'ebé mak ita tenke foti hotu”, dehan nia.

Tanba, problema ba vasina ne'e governu mós tenke buka opsaun seluk, nune'e labele hein de'it opsaun ida agora ne’emak uza de'it AstraZeneca. (*)

 

Rate this item
(0 votes)
Last modified on Wednesday, 26 May 2021 17:10
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter