Login to your account

Username *
Password *
Remember Me

Maun Boot Xanana Esplika Altersaun Lei FM ba PM Taur Featured

Tempotimor (Dili) - Iha Segunda (08/07), Xefe Negosiadór Delimitasaun Fronteira Maritima, Kay Rala Xanana Gusmão esplika alterasaun Lei Fronteira Maritima ba Primeiru Ministru (PM) Taur Matan Ruak.

“Ohin Primeiru Ministru rona aprezentasaun naruk hanesan ejustivél husi Maun Boot Xanana Gusmão nu’udar lider negosiasaun ninian,” informa Ministru Estadu Prezidensia Konsellu Ministru Hermenegildo Pereira iha Palasiu Governu, Segunda (08/07).

Aleinde rona esplikasaun husi Xanana, PM Taur mós rona espesialista husi Autoridade Nasional Petroleu no Minarai (ANPM) no Ministériu Finansas.

Iha aprezentasaun ne’e, Agio dehan, Xanana ho espesialista sira aprezenta prova atu halo alterasaun ba lei sira ne’ebé presiza.

“PM rona hotu aprezentasaun ne’e, iha provas leis ne’ebé ita tenke altera. Primeiru Ministru sei prepara hodi aban (Tersa) dader hatun ba Parlamentu Nasional, tanba lei tenke liu husi PN mak hafoin ba Prezidente Repúblika.”

Iha aprezentasaun ne’e, nia hatutan, Xanana ho espesialista sira koalia mós kona-ba lei tributária

“Lei tributária ohin deskute, rona maka’as, detallu, artigu ne’ebé atu muda no mós lei fundu petrolífeiru mós tenke muda. Tanba saida tenke muda?, tanba lei sira ne’e halo kontestu JPDA (Joint Petroleum Development Area) nian, akordu tranzisaun nian ba explorasaun konjunta, bainhira ita-nia PN ratifika iha loron 30 Agostu, haruka ba PR publika ne’e hahú ona tratadu foun fronteira marítima permanente, mapa iha illa Timor Leste nian ne’e TL nian mesak de’it ona, ita-nia teritóriu soberanu.”

Bainhira ida ne’e akontese, nia hatutan, akordu ne’ebé kompaña sira halo hatama tiha mai Timor Leste nia teritóriu, ho nune’e tenke hadia kontratu sira no ajusta hodi aserta ho tratadu fronteira marítima permanentes.

“Ne’e serbisu ida ne’ebé mai husi dook, ne’ebé ANPM mak lidera ne’ebé bolu tranzition arrangement.”

Iha Tersa (09/07), nia hatutan, Konsellu Ministru sei diskuti dekretu lei sira ne’ebé iha ligasaun ho delimitasaun fronteira marítima.

“Aban lokraik aprezentasaun sei kontinua, haree ba dekretu lei de’it, tanba dekretu lei ne’e Konsellu Ministru la presiza hatun ba parlamentu maibé Konsellu Ministru haruka diretamente ba Prezidente Repúblika hodi hetan promulgasaun ho publikasaun.”

Agio dehan, governu nia tarjetu molok 30 Agostu PN Timor Leste ratifika tiha ona tratadu fronteira maritima entre TL ho Australia.

“Planu ne’e atu halo hotu antes 30 Agostu bainhira iha ona troka notas hodi konfirma katak PN ita nian ratifika tiha ona tratadu entre komunal Australia ho RDTL,” dehan Ministru Agio.

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter