“Hanesan ita-boot sira hatene suku 76 ne’ebé mak seidauk asesu sei ita halo ona 34 restante sei prepara hela dezeñu sira iha ekipa rua ne’ebé iha progressu hela ba restante suku 42 ne’e tuir planu prerativu dezeñu hotu ita bele fó sai fulan-agustu ba setembru, sedu liu iha Jullu”, dehan nia hafoin sorumutu ho Primeiru Ministru (PM), Taur Matan Ruak iha Palásiu Governu Dili, tersa (25/05).
Ho esforsu sira ne’ebé halo sei promove projetu sira hamutuk 76 iha tinan 2021.
Tanba liuhusi Eletrisidade Timor-Leste, epréza públika (EDTL.ep), sira anúnsia ona programa planeadu ba suku hamutuk 34, sira mak implementa rasik, maibé suku 30 mak fó sai ba prosesu aprovizionamentu.
Ho ida ne’e, fulan ida-rua mai tan, sira bele konklui no halo mobilizasaun ba suku sira komesa instala liña eletrifikasaun ba suku sira ne’ebé mak durante seidauk asesu ba naroman.
"Klaru ke iha preparativu servisu barak tenke hala’o para bele realiza Ita-nia planu ida ne’e, 34 fó sai ona hein fali 42 ne’e iha hela progressu estabelese hela nia dezeñu”, hatete nia.
Valór orsamentu ba projetu instalasaun rin no liña eletrisidade iha suku 34 ne'e, hamutuk rihun-10-resin dollár Amérikanu.
“Projetu ne’ebé halo, signifika katak multi-anual sei implementa hotu ita selu, sei restante ne’ebé mak seidauk iha, ha'u hanoin tempu ne’ebé mak iha sira sei "care over" apezar de sira hahú prosesu aprovizionamentu kontratasaun iha tinan ne’e, e suku sira ne’e kuaze teritóriu tomak 76 mak seidauk hetan", afirma nia. (*)
