“Primeiru Ministru apresia tebes ba esforsu ne'ebé CNC halo iha semana ida ne'e halo peskiza ida rezisténsia nu'udar afirmasaun kultural peskiza iha País PALOP Portugál ho Timor ne'ebé hetan apoiu husi Uniaun Europeia no institutu Camoens peskiza iha Timor Aprezenta iha Portugál”, dehan nia hafoin hasoru malu ho Primeiru Ministru, Taur Matan Ruak, iha ninia rezidénsia Farol, tersa (25/05).
Nune'e mós aprezenta programa seluk ba Primeiru Ministru, Taur Matan Ruak, tanba Korea International Cooperation Agency (KOICA) mós fó apoiu finanseiru hamutuk millaun US$5 ba CNC.
“Sentru Nasionál Chega iha ona akordu ho Koica kona-ba apoiu finanseiru millaun 5 ba tinan haat ba programa boot tolu mak dijitalizasaun arkivu nomós reabilitasaun sentru arkivu, harii sentru edukasaun ba dame iha Timor, programa interkámbiu kona-ba konflitu no rekonsiliasaun iha rejionál”, dehan nia. (*)