Login to your account

Username *
Password *
Remember Me

Governu Tenke Buka Familiariza Ho Covid-19 Hodi Reativa Eskola

Deputadu Bankada Kmanek Haburas Unidade Nasional Timor Oan (KHUNTO), António Verdial. Deputadu Bankada Kmanek Haburas Unidade Nasional Timor Oan (KHUNTO), António Verdial. Foto Suplay

Tempotimor (Dili)-Deputadu Bankada Kmanek Haburas Unidade Nasional Timor Oan (KHUNTO), António Verdial hatete, governu presiza buka meius hodi familiariza ho surtu covid-19 atu bele reativa hikas aividade eskolár iha Munisípiu Dili.

Maibé, atividade eskola ne'e loke ona, importante ba governu mak, tenke akompaña nafatin no tau regra rigorozu nune'e bele kontrola moras covid-19.

"Dalan di'ak liu mak buka familiariza no moris hamutuk ho pesti (covid-19) ne'e, nune'e atividade eskolár loke fila-fali de'it, inportante maka governu tenke akompaña nafatin, hodi kumpre regra protukolu Organizasaun Mundial Saúde (OMS)”, hatete, nia iha plenáriu PN, segunda (24/5).

Maske, governu deside aplika regra oioin hodi taka eskola bázika, sekundária, tékniku vokasionál no superior, iha Timor-Leste atubele kombate situasaun pandemia covid-19 ne'e, maibé governu rasik seidauk bele dehan moras ne'e bainhira mak lakon.

Tanba ne'e, governu presiza hatene estudante mak futuru nasaun nian, ho ida ne'e dalan di’ak liu ba governu mak tenke halo familiariza ho moras covid-19 ne’ebé mosu, atubele loke filafali eskola hahú husi eskola bázika, sekundária, tékniku vokasionál no superior.

"Serka sanitaria, konfinamentu domelisiáriu obrigatóriu halo eskola hotu iha kapitál Dili, paradu totál, presiza hatene katak futuru nasaun iha estudante sira-nia liman,” dehan nia.

Dadaun ne’e estudante barak mak, hela iha kost, no osan laiha hodi selu kost, ai-hán la sufisiente, nesesidade balun ne'ebé sira presiza la sufisénte, buat barak ne'ebé sira hasoru difikulta sira-nia atividade moris lorloron nian.

Hatan ba kestaun ne'e, Ministru Asuntu Parlamentár no Komunikasaun Sosiál (MAPKOMS), Francisco Martins Jerónimo deklara, ejizénsia ne’ebé deputadu sira levanta iha plenáriu, mak parte governu mós rejista ona no sei enkamiñia ba membru governu relavante atu bele fo hikas resposta ba PN.(*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter