Diretór Jerál Administrasaun Finansas Obras Públiku, Januario Patrisio Barboza hatete, iha fulan-abril tinan 2021 sira reuniaun ko'alia ona oinsá atu prepara planu hodi hadi’a estrada sira iha munisípiu.
“Semana kotuk ha'u haruka ita-nia enjeñeiru 32 ba halo levantamentu ba dadus iha Munisípiu e lori mai sei halo dezeñu sei sura nia osan Bill Of Quantity (BOQ) pois ita lori Ajensia Dezenvolvimentu Nasionál (ADN) verifika mak ita foin kategória ida ne'ebé mak sai emerjénsia, ita bele halo emerjénsia no ida ne'ebé mak sai hanesan normál ita halo prosesu ba tenderizasaun”, dehan nia hafoin partisipa enkontru jerál ho estrutura MOP iha salaun Novu Turizmu Lisidere, sesta (21/05).
Kona-ba eletrisidade tinan 2021 ne'e sira prepara ona 34 pakote ba munisípiu sira no loloos iha tinan kotuk loke ona konkursu públiku maibé tarde tanba ho de'it osan doadesimu.
Enkuantu, iha tinan 2021 ne'e semana oin sira prepara ona 34 pakote ba eletrisidade. (*)
