“Agradese ba governu Austrália ne'ebé mak disponível 24 oras kuandu Timor-Leste hasoru dezastre naturál”, dehan Visé Ministru Interior (MI), António Armindo iha Aeroportu Internasionál Prezidente Nicolau Lobato, kuarta (19/05).
Apoiu ida ne'e, demonstra duni realidade ne'ebé ohin loron (19/05), selebra operasaun apoiu aerea iha distribuisaun emerjénsia ba sidadaun sira ne'ebé presiza tulun husi governu nomós parseiru dezenvolvimentu sira.
“Operasaun aéreo ne'e importante teb-tebes, liliu siknifikante teb-tebes ba protesaun sivíl”, hatete nia.
Entretatu Sekretáriu Estadu Protesaun Sivíl (SEPS), Joaquim Gusmăo dos Reis hatutan, operasaun ida ne'e bele hakotu, maibé iha situasaun ne'ebé futuru, presiza prezensa eliopteru, tanba ne'e, husu ba governu nasaun rua ne’e, atu disponivel nafatin apoiu reforsa protesaun sivíl iha futuru dezastre naturál mai.
“Operasaun ida ne'e, dala-ida tan, katak operasaun ida ne'e primeiruvéz apoiu aérea iha protesaun sivíl nia istória. Istória ida ne'e protesaun sivíl sei hakerek, e mós sei dezenvolve ba futuru, e sai mós matadalan di'ak ida ba protesaun sivíl nia kna'ar e sai mós esperiénsia foun ida ne'ebé protesaun sivíl presza aprende tan”, afirma nia.
Aliende ne’e agradese ba Governu nasaun rua, ACTL, kompaña Santos inklui ofisiál Polisia Nasionál Timor-Leste (PNTL) ho Falintil-Forsa Defeza Timor-Leste (F-FDTL), tanba apoiu tebes ba protesaun sivíl. (*)