Print this page

TIC Fasilita Servisu KNTLU Ho Sistema Informasaun

Diretór ezekutivu Ajénsia Teknologia Informasaun no Komunikasaun (TIC)-Timor I.P, Roberto C.De.S.Vicente foto hamutuk ho ekipa Komisaun Nasional Timor Leste ba UNESCO (KNTLU) hafoin asina nota entendimentu iha Palásiu governu, kuarta(19/05). Diretór ezekutivu Ajénsia Teknologia Informasaun no Komunikasaun (TIC)-Timor I.P, Roberto C.De.S.Vicente foto hamutuk ho ekipa Komisaun Nasional Timor Leste ba UNESCO (KNTLU) hafoin asina nota entendimentu iha Palásiu governu, kuarta(19/05). Foto Tempo Timor

Tempotimor(Dili)-Ajénsia Teknologia Informasaun no Komunikasaun (TIC)-Timor I.P, fasilita servisu Komisaun Nasional Timor Leste ba UNESCO (KNTLU) ho servisu informasaun.

Tanba ne’e, TIC halo akordu ho KNTLU hodi asina nota entendimentu, iha loron kuarta (19/05) hodi bele fó apoiu servisu iha área informátika ninian.

“Sei kobre apoiu baziku sira-nia hanesan, dezenvolvimentu portal website, hosting no servisu email sira hodi fasilita servisu KNTLU iha sistema informasaun”, hatete Diretór ezekutivu TIC, Roberto C.De.S.Vicente iha Palásiu governu, kuarta(19/05)

Bazeia ba dekretu lei númeru 29/2017, ajensia TIC TIMOR I.P hari’i ho nia papel atu implementa polítika liga ba teknolojia informasaun no komunikasaun hodi prepara teknolojia ne'ebé ótimu inklui aplikasaun , infraestrutura nomós polítika informátika bazea prioridade Nasionál

"VIII governu konstitusionál tau prioridade importante ba asuntu governu-eletróniku, nune'e TIC kontinua serbisu ho instituisaun estadu sira atu fó apoiu iha dominu governu eletróniku tuir sira-nia nesidade no haree ba padraun sistema informátiku governu nia”, dehan nia.

Iha fatin hanesan, sekretáriu Ezekutivu KNTLU Francisco Barreto hatete, kooperasaun ne'e hanesan amizade ida ne'ebé di'ak tebes tanba TIC hanesan mahon ida.

Ho nota entendementu ne'e atu apoiu KNTLU nia atividade tomak ba públiku atu asesu, tanba durante ne'e iha atividade barak no informasaun barak ne'ebé seidauk to’o iha komunidade, no fatin públiku sira.

“Liuhusi ida ne'e ita atu establese website ofisiál ida para ita fornese informasaun ida ne'ebé pozitivu no kredibilidade ba ita-nia komunidade sira”, afirma Francisco.

Nota entedementu ne'e hanesan serbisu hamutuk atu nafatin kontinua no servisu hamutuk ho di'ak liután iha futuru. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items