Print this page

PM Taur Triste Rona Ataúruoan “Mout” Iha Tasi Klaran

Primeiru Ministru, Taur Matan Ruak. Primeiru Ministru, Taur Matan Ruak. Foto Suplay

Tempotimor (Dili)-Primeiru Ministru (PM), Taur Matan Ruak, sente triste no lamenta bainhira rona novidade ró adowa 01 ne'ebé mout iha tasi klaran loron sábadu (15/05).

“Ha’u sente triste no lamenta tebes wainhira rona notísia kona-ba ró mout iha tasi atu ba Ataúru, ne’ebé tula ita-nia sidadaun na’in-7, grasas a Deus na’in-3 konsege salva-an, e infelizmente sira na’in-rua mate hetan ona, no na’in-rua seluk ita seidauk hatene paradeiru”, hatete PM Taur liuhusi Komunikadu Imprensa ne’ebé www.tempotimor.com asesu, tersa (18/05)

Tanba ne’e, Xefe Governu hato'o sentidu Kondolensia profunda ba família matebian na’in-rua no apoiu solidariedade ba família na’in-rua ne’ebé nia família seidauk hetan iha akontesimentu difísil ida ne’e.

“Nune’e iha momentu difísil ida ne’e, hodi ha’u-nia naran rasik no Governu nia naran, hakarak hato’o profunda sentidas kondolénsia ba família matebian na’in-rua nian, husu kontinua korajen no mai ita hasa’e orasaun ba Maromak atubele hatudu dalan hodi bele hetan lalais ita-nia maluk na’in-rua ne’ebé seidauk hetan”, afirma Taur.

Iha biban ne’e, hakarak apela mós ba Ataúruoan sira, atu atensaun didi’ak ba klima tasi, molok atu hala’o viajen ho ró ki’ik ba Ataúru, atu labele akontese tan asidente hanesan liubá ne’e. (*)

 

Rate this item
(0 votes)
Last modified on Tuesday, 18 May 2021 17:45
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items