Print this page

AEJOWWSA husu Governu Boikota Kompaña Umaber

Atividade Komunidade sira iha Aldeia Weberek, Suku Dotik, Postu Alas,  Munisipiu Manufahi. Atividade Komunidade sira iha Aldeia Weberek, Suku Dotik, Postu Alas, Munisipiu Manufahi. Foto Suplay

Tempotimor (Dili)-Assosiasaun Estudante Weberek Wesar Sarin (AEJOWWSA) hamutuk ho komunidade husu ba Governu atu boikota Kompaña Umaber.Lda tanba konsidera inkapasidade.

"VIII Governu kuandu la boikota kompaña Umaber.Lda iha rai Manufahi mak, ami sei konsidera VIII Governu nia kapasidade la sufisiente no tauk ba Kompaña, sira hakarak promove nafatin kompaña Umaber.Lda atu lori bebeik dezastre ba komunidade sira”, afirma Koordenadór AEJOWWSA, Jaimito Siqueira Gusmão, iha edifísiu CNJTL, Faról (14/05)

Fadaun Governu planu sei instala liña eletrisidade ba komunidade Suku 5 hanesan Suku Tutuluru, Rotutu no Grotu iha Postu Same, no Postu Turiskai mak Suku Mindeilu no Bermana, inklui Aldeia Weberek, iha Suku Dotik Iha Postu Alas.

Tanba ne'e mak Asosiasaun Estudantehusu ba Governu atu labele fó tan projetu instalasaun ahi ne’e ba Kompaña Umaber.Lda.

"Se mosu tan perturbasaun husi Kompaña Ilegál Umaber, mak ami AEJOWWSA no komunidade sira sei keixa nia ba Ministériu Públiku hodi prosesu tuir justisa formál”, deklara nia.

Antes ne'e Kompaña Umaber.Lda kaer projetu instalasaun ahi ba komunidade aldeia fatin tolu hanesan Aldeia Weberek, Wesar no Sarin, ho distánsia 8 Km.

Husi tinan 2018 Kompaña Umaber.Lda tama iha komunidade suku 3 hodi estraga komunidade uma kain 275 ho totál populasaun 1.409, inklui aí-horis, ho totál Ai sira ne'ebé ho alor ekonómiku hamutuk hun 9016 la konta ai sira seluk ne'ebé laiha valor ekonómiku.

Kompaña Umaber.Lda durante ne'e tesi ho gratuitu no la selu idiminizasaun ba komunidade afetadu sira, husi momentu ne'e kedan kompaña hahu abandona obra to'o agora.

Liu ona tinan tolu, ho situasaun ne'e desakredita tebes komunidade sira-nia moris fatin ne'e. Komunidade Aldeia Weberek, Wesar no Sarin, Lokaliza Iha Suku Dotik, Postu Administrativu Alas, Munisípiu Manufahi. (*)

Rate this item
(1 Vote)
Last modified on Friday, 14 May 2021 21:17
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items