Tanba ne’e, dekara ezisténsia L-JEP sai nu'udár komponente sosiedade ida ne'ebé iha oportunidade atu estuda tanba sakrifísiu husi inan-aman sira-nian.
"Ita-nia estadu tama ona krize boot, tanba demokrasia formalidade de’it, demokrasia hahú lakon nia klamar, povu laiha poder polítika, so iha de’it poder ba vota", deklara Portavóz L-JEP, Ines Maia da Costa liuhusi iha Salaun Esperansa Ai-mutin, Aldeia Săo José Ai-meti Laran, Suku Komoro, Postu Administrativu Dom Aleixu, kinta (13/05).
Fundadór Rezisténsia Nasionál Estudante Timorense (Renetil), Joăo Travolta hatuta, lei sira iha konstituisaun Repúblika Demokratika Timor-Leste (RDTL) mós ema sama ba rai, no laiha ona supermásia kona-ba lei, iha de'it mak supermásia ukun ba ukun-na'in sira.
"Krize ekonómia no kríze de valóre kultural mak povu nia moris lorloron nian, no ita-nia nasaun doben ida ne'e, labele moris nune'e nafatin”, dehan Joăo Travolta.
Entretantu, misaun no vizaun husi grupu L-JEP nian atu hola parte ativa iha konsiénsializasaun no organizasaun jovens estudante tomak, nune'e bele mobiliza iha fileira luta pasífika ba transformasaun sosial, polítika no kultural iha TL.(*)
