"Osan husi grande projetu aloka orsamentu hamutuk US$ 8 milhões ba tore sira ne'e, maibé EDTL sei haree nia mekanizmu ba implementasaun ne'e oinsá”, dehan Prezidente EDTL iha Novu Turizmu, segunda (10/05).
Tanba, durante dezastre naturál iha loron 4 fulan-abril tinan 2021 estraga tore hamutuk 16, maibé 7 mak dezeñu kompletu ona hosi ekipa sira.
"Ami sei haree kona-ba modelu konstrusaun ne'e oinsá, tanba ita lakoi promove buat sira hanesan, bronzon hada ho fatuk pois tinan tinan sobu hela de'it, depois ita lakon osan barak”, deklara nia.
Nune'e, sei haree atu halo konstrusaun ida permanente nesesáriu sira haree oinsá atu halo mudansa ba pozisaun tore sira tanba uluk infraestrutura transmisaun liña hahú laiha estudu espesifiku kada pontu.
"Ita la hatene ne'e besik mota, foho lolon no fatin seluk ne'ebé ameasa, agora risku hanesan ne'e sei fó ameasa ba tore sira, tanba ne'e ita haree ba pontu ne'ebé ameasadu para bele halo ajustmaentu mudansas ba pozisaun ho nesesáriu, selae ita halo moru protesaun ka ita halo mudansas ba tore”, afirma nia.
Dadaun ne'e, tékniku sira sei halo levantamentu dadus ba risku sira, no tore 7 nian prontu ona maibé sei halo ajustmaentu ho tore siran balun iha Hera, Tibar, Suai no iha parte lorosa'e nian hamutuk 16.(*)
