“Aldeia 12 outubru hamutuk 2.076 populasaun mak afeitadu e tuir planu realoka ba fatin foun”, dehan Xefe aldeia 12 Outubru, Suku Komoro, Plácido Marsal ba www.tempotimor.com iha sede Suku Komoro, sesta (07/05).
Tanba, Governu liuhusi Ministériu Admistrasaun Estatal (MAE) dereitamente to’o iha fatin inundasaun no distribui ona formuláriu modelu A no B ne'ebé utiliza hodi rejistu uma inklui sasán ne'ebé hetan estragu.
“Muda mais estadu kria kondisaun ba 2.076, prepara uma ba nune'e sira ba hodi hela”, dehan nia.
Razaun governu deside muda komunidade iha Aldeia 12 Outubru parte lagoa Tasitolu, tanba fatin risku ba Inundasaun no área protezida.
“Populasaun aldeia 12 Novembru maioria husi foho e sira-ne'e prontu Koopera”, afirma.
Tuir dadus husi MAE, komunidade ne'ebé afeitadu iha postu admistrativu Dom Aleixo, Munisípiu Dili ho totál 7.721 ne'ebé Suku Komoro hamutuk 3.285.
Infraestrutura ne'ebé estraga hamutuk 106 sitiu no Suku Komoro hamutuk 15.
Antes ne'e governu planeia atu muda komunidade sira ne'ebé hela iha área risku hanesan foho lolon. mota ninin inklui lagoa Tasitolu.(*)