Print this page

PN Sei Kria Projetu Rezolusaun ba Profesionál Saúde

Tempotimor (Dili)-Parlamentu Nasional liuhusi komisaun F trata asuntu Saúde deside sei kria projetu-rezolusaun ida hodi fó rekuñesimentu ba serbisu profisionál saúde sira iha ambitu kombate propagasaun surtu Covid-19.

Prezidente Komisaun F, Noé da Silva Marçal "Buka-Tuir" hatete, inresponsabilidade sidadaun sira ne’ebé halo agresaun fíziku hasoru médiku sira mak parte komisaun F hanoin hela atu halo rezolusaun.

Tanba akontesimentu foin lalais iha Suai, nomós Laulara, sidadaun balun la ho responsabilidade halo agresaun fíziku hasoru médiku sira.

“Ida ne'e semana oin, ami sei halo rezolusaun ida hodi fó votu saudasaun ba sira nomós fó rekuñesimentu ba sira-nia serbisu iha vijénsia Covid-19”, deklara nia iha Parlamentu Nasionál, sesta (07/05).

Situasaun covid-19 ne’ebé enfrenta, profisionál saúde sira kontinua dedika-an iha vijénsia Covid-19.

Tanba ne'e parlamentu nasionál nu’udar órgaun soberania ida ne’ebé reprezenta povu presiza fó valorizasaun atu timoroan hotu bele respeita.(*)

Rate this item
(1 Vote)
Last modified on Friday, 07 May 2021 19:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items