“Ha’u labele ko’alia buat ne'e, tanba ne'e kompétensia sira-nia atu diskute, kabe ba prezidente PN ha’u labele ko’alia buat ne’ebé sira ko’alia,” dehan nia iha PN, kuarta (05/05).

Iha mandatu primeiru wainhira hetan fiar husi Prezidente Republika, deputadu sira mós sempre ko’alia no halo diskusaun.

Ne'e duni, deklarasaun sira ne'e kabe ba kompeténsia deputadu atu ko’alia iha Parlamentu laran, enkuantu pozisaun Tribunal Rekursu nian sei la ko’alia ida ne'e.

“Ha’u-nia mandatu iha primeiru ne'e iha diskusaun ka la’e, ne’ebé diskusaun sira ne'e ha’u labele emite, tanba ne'e kompeténsia sira-nia atu diskute, kabe ba prezidente PN ha’u labele ko’alia buat ne’ebé sira ko’alia,” afirma nia.

Entretantu, Deputada Bankada CNRT, Carmelita Monis Caetano hatete, nia parte kestiona nomeasaun polítika husi Prezidente Republika (PR), Francisco Guterres ‘Lú Olo’, ne’ebé deside hodi renova prezidente Tribunal Rekursu, Deolindo dos Santos la liu husi eskrimin.

Nomeasaun politika ida ne'e la'ós foin dahuluk, maibé ne'e akontese filafila ona hahu husi tinan 2017 to'o mai 2021. (*)