Bilete Karun, Delegasaun Eskuteru Azia Pasifiku 20 to'o De'it Indonezia Featured

Prezidente Republika Dr. francisco Guterres lu olo, simu eskutero sira iha ninia kna'ar fatin, Palasiu prezidente aitarak laran dili, (21/06) Prezidente Republika Dr. francisco Guterres lu olo, simu eskutero sira iha ninia kna'ar fatin, Palasiu prezidente aitarak laran dili, (21/06) Foto Midia PR

Tempotimor (Dili) Delegasaun eskuteru Asia Pasifiku na'in 20 planu atu mai Timor Leste. Maibé ikus mai so na'in lima (5) de'it mak konsege to'o Timor Leste, enkuantu na'in 15 seluk to'o de’it iha Indonezia.

Delegasaun Do The Ever Green Scouts of Asia Pacific no Eskuteru Rejiaun Asia Pacific hala’o vizita mai Timor Leste iha 18 Juñu no fila fali iha 21 Juñu 2019.

Prezidente Eskuteru Timor Leste, Idelta Maria Rodrigues informa, delegasaun ne’ebé atu mai vizita Timor Leste iha na’in 20, maibé na’in 15 deside halo vizita ba Indonezia no na’in lima (5) mai Timor Leste.

“(Delegasaun) membru na’in 20 maibé haree situasaun bilete (aviaun) ne'ebé karun tebes tanba ne'e mak deside (na’in 15) halo vizita ba Indonezia, na’in lima mai vizita Timor Leste,” informa Idelta hafoin hasoru-malu ho Prezidente Repúblika Francisco Guterres Lu Olo iha palasiu prezidensial, Bairro-pite, Sesta (21/06).

Idelta dehan, vizita ne’ebé delegasaun eskuteru Asia Pasifiku halo nu’udar vizita dahuluk, hafoin vizita membru eskuteru mundial ne’ebé hala’o iha fulan Agostu 2017 liu ba.

Vizita delegasaun eskuteru Asia Pasifiku ne’e ho objetivu atu hatudu sira-nia solidariedade no mai haree direitamente situasaun eskutizmu iha Timor Leste.

“… ohin mai hasoru-malu ho Prezidente Repúblika", informa Idelta.

Iha sorumutu ho PR Lu Olo, eis Sekretaria Estadu Igualdade Jeneru ne’e dehan, xefe estadu sente haksolok ho prezensa delegasaun eskuteru Asia Pacifik iha Timor Leste.

"PR Lú Olo kontente tanba Prezidente (Repúblika) nu'udar patronu ba Uniaun Eskuteru Timor Leste," dehan Idelta.

Iha oportunidade ne’e, PR Lu Olo husu nafatin apoiu no suporta husi eskuteru nasaun seluk nian hodi hakbiit no kapasidade eskuteru Timor Leste.

Iha fatin hanesan, membru board Word Scout Foundation Alexander K.M. Wong informa, iha sira-nia vizita ne’e sira mós fó doasaun $1.000 ba Eskuteru Timor Leste iha engrupamentu Akadiru iha Metinaro.

Aleinde ne’e, nia parte mós haree hela oinsa atu apoiu hodi estabelese edifisiu eskuteiru no sentru treinamentu ida iha Metinaro.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com