Sekretaria Estadu Maria Fonseca hatete, nia parte esforsu hela atu integra ho instituisaun oioin hodi buka dalan apoiu feto sira ne'ebé iha tramua nia laran.

"Dala-ruma durante inan sira isin-rua ka depois partus, sira iha trauma nia laran. Entaun ita buka hela dalan oinsa par apoiu hela, atu nune'e ita bele hamenus ka evita hahalok sira ne'e (abandona ka soe bebé) atu akontese iha futuru," dehan Maria.

Tuir Sekretaria Estadu ne’e, bainhira kazu abandona ka so’e bebé akontese, ema sempre fó sala ba feto.

Loloos, nia hatutan, labele fó kulpa de’it ba feto ne’ebé so’e nia bebé, tanba dala-ruma inan ne’e abandona bebé tanba iha razaun forte ida.

"Ha'u hanoin katak ita labele kontinua fó sala de'it ba feto. Abandona bebé la'os sala feto nian de'it,” dehan nia.